唔買衫都要睇下 又一「Chuu」靚女「Asaki」

lowerpoly

問問大家，芸芸眾多拍拖節目，男人最驚嘅係咩？答案就係陪女朋友行街買衫。其實行都唔緊要，最多咪當做運動，更令男人難做嘅係陪行之餘有時仲要答問題(「呢件靚唔靚呀？」，「呢件會唔會好老呀？」)，答得唔啱心水仲要有面色睇。所以話呢，男人就算唔識男裝，點都要睇睇啲女裝——你覺得呢個理由好荒謬？咁我畀個好啲嘅理由你！
個理由就叫做「Asaki」！Asaki其實又係韓國女裝品牌「Chuu」嘅日本專屬模特兒，而其實我之前都介紹過好幾位Chuu模特兒，但都依然能夠繼續從中搵到更多靚女，大家真係好應該大力表揚佢哋負責揀Model嗰個人。而呢個Asaki同之前介紹嘅「Chloe」唔同，佢唔係走完美娃娃臉路線，反而係典型嘅「韓國騷」，再加上佢多數都係為內衣、泳衣當模特兒，身材一眼睇哂就更顯吸引！咁你話啦，睇佢啲相養眼之餘，又可以認識多啲女裝，下次女朋友問起你就可以懶係識啲嘢咁搭兩句咀！一石幾鳥呀！