巴爾幹半島美女 Dajana Gudic

lowerpoly

南斯拉夫呢個已經走入歷史嘅巴爾幹半島國家，各位歷史或足球愛好者應該都會記憶猶新，甚或知道經歷上世紀90年代嘅多年內戰，南斯拉夫最後解體成塞爾維亞、克羅地亞、波斯尼亞、黑山等多個國家。好啦，咁點解突然會講起巴爾幹半島嘅歷史呢？就係因為今日要介紹嘅呢位美女基本上就係當地嘅一個縮影！
Dajana Gudic係一位出身於巴爾幹半島嘅泳衣模特兒，佢有克羅地亞同塞爾維亞血統，但佢出生地卻係薩拉熱窩，亦即現時波士尼亞與黑塞哥維那嘅首都，更重要嘅係佢出身於1990年，當時以上所有國家全部都屬於南斯拉夫一部份。廿令三十年後，南斯拉夫解體成六個國家，Dajana亦長成一個性感美女。咁睇法，係咪覺得時間過得好快、世界變化好大呢？