從未如此期待007 Ana De Armas成新一代「邦女郎」

lowerpoly

喺呢個超級英雄滿天飛嘅年代，一眾大家耳熟能詳嘅「人類英雄」或多或少都會被比下去，例如橫跨超過半世紀嘅《James Bond》系列近年雖有Daniel Craig拼命演出，但論電影矚目程度始終不如一眾超級英雄，甚至時時出現換角嘅消息。但黎緊嘅第25部James Bond電影演員名單卻一反「常態」令人非常期待，主要原因係個演員陣容實在太吸引人啦！

首先Daniel Craig再次回歸，其次係應屆奧斯卡、金球獎雙影帝Rami Malek飾演大反派，牌面已經相當有保證，但對各位男士黎講緊係啲女角最吸引！新任「邦女郎」就包括性感新星Ana De Armas！呢位30歲古巴女星近年憑《Knock Knock (夜半女敲門)》、《Overdrive (非常速盜)》、《Hands of Stone(台譯：光榮擂台)》、《Blade Runner 2049 (銀翼殺手 2049)》等電影中火速冒起，當中更不乏全裸性感鏡頭，是新一代性感象徵。亦因為如此唔少人都估計Ana 於新《James Bond》中會有全裸戲份——大家睇清楚啲佢個樣、佢個身材，淨係為咗欣賞佢呢個身形都值得買飛入場啦下話？