用iPhone嘅你 掛住用Touch ID嗎？

Radiata

            

iPhone X、Xs、XR及新iPad Pro嘅用家你哋用慣Face ID未？有無偶爾記掛住往日用Touch ID，部電話由褲袋拎出嚟已經解好鎖嘅感覺？要Apple考慮重新引入Touch ID，當中有4個理由！
日前外媒iDropNews嘅一篇文章指出Apple需要重新引入Touch ID。但按目前iPhone及iPad嘅發展方向，距離完全淘汰Touch ID嘅日子不遠，不過iDropNews提出咗4個理由令入Touch ID。第一個理由就係今時今日嘅Touch ID仍然可以令iPhone優雅，因為螢幕下指紋識別傳感器已經面世咗，令iPhone毋須放棄全螢幕設計，加上早前有傳聞指Apple正在研發嵌入式Touch ID。
第二就係Face ID唔係經常Work，喺日常嘅使用中，周不時都有用家反映Face ID偶爾解唔到鎖，當然Touch ID都會有手濕無法解鎖嘅時候，所以早前曝光嘅Apple專利顯示，佢哋正探索讓Touch ID與Face ID共存嘅解決方案。
第三係多種驗證會更加安全，正如你家中大門只有一個鎖，當然唔及有兩個鎖咁安全。當然，如果要Unlock一部電話需要太多身份驗證系統會唔太方便，但相信用家係可以選擇解鎖模式。而例如你要使用手機銀行，雙重生物驗證系統就更加安全喇！
而最後一個理由係重新引入Touch ID可以引領身份驗證嘅未來，例如用家每次觸摸螢幕時會自動定期收集指紋數據、定時收集面部數據，甚至將用家語音數據收集，以被動方式驗證用家身份。即係話當一個陌生用戶用上你嘅iPhone，就會將iPhone自動上鎖。

小小狼

仲用紧！