黑絲美腿才是重點 人像攝影師「ペム太」

lowerpoly

好多人都以為做我呢份工一定識到好多靚女，但我可以話你知其實做攝影師識到靚女嘅機會先係最高，甚至會有靚女主動識你希望你幫佢影輯靚相(我冇葡萄呀，邊到有啫，一定冇)，而且仲可以與唔同靚女合作，影你想影嘅題材！好似呢位來自日本嘅攝影師「ペム太」話就話影人像(Portriat)，但你睇下佢啲相就知個重點根本就唔係啲人個樣！
首先，大家好明顯睇到佢合作嘅Model大部份算唔上係「靚」，好明顯佢哋個樣就唔係重點，反而每張都有黑絲短裙美腿，而且佔個畫面比例鬼咁高，一睇就知佢影嘅唔係人，根本就係影黑絲美腿！但佢咁影對大家其實又別有意義喎，你睇下啲女仔其實唔係好靚，擦身而過你都未必會望佢，但如果你發現佢有一雙美腿，係咪成個觀感唔同哂呢？所以話只要你識得睇，其實成街都係靚女呀！