楊思琦寫真靚相。(網絡圖片)今年8月,曾係港姐冠軍嘅楊思琦即將踏入四字頭。為留住青春倩影,佢決定喺今年推出首本個人寫真集《Miss Szeki 2018》。
已為人母嘅楊思琦擁34D、24、34勻稱身材,依然keep得好好。喺《Miss Szeki 2018》中,佢換上近20套靚衫,着住泳衣、睡衣性感出鏡。不過,楊思琦就強調今次唔係賣弄性感,而係美感!
身為人母嘅楊思琦身材keep得好好。(Instagram圖)
「屋邨港姐」楊思琦2001年參選香港小姐勇奪冠軍,同時奪得「最上鏡小姐」、「網上最奪目小姐」等共六個獎,成香港小姐史上獲獎最多嘅佳麗。
楊思琦奪2001年香港小姐冠軍。(Instagram圖)
未婚產女
曾獲無綫力捧嘅楊思琦感情路卻不順,當年曾有傳佢背住相愛9年嘅男友李泳豪,與「北京富商」Andy Ng暗交,更懷有對方骨肉,楊思琦背負劈腿罪名狠撇李泳豪。
然而,後來Andy Ng被踢爆並非富豪,而是前香港跳水隊隊員吳帥,欠債纍纍,又有指吳帥於內地有正印,令楊思琦決心斬纜,最終楊思琦在2012年3月於美國未婚產女,此事令楊思琦形象跌落谷底。