感受自然之美 潮流興裸體瑜伽

Radiata

每個人對「美」嘅睇法都係主觀嘅，理應唔受任何人影響同批評，尤其對於自己嘅身體就更加應該學識尊重同欣賞。不過作為群居生物，要唔受其他人影響都真係幾難。外國有人就開立咗一個名為「Nude Yoga」嘅Instagram Account，以唔同女性裸體做瑜伽嘅照片黎鼓勵女性欣賞自己嘅身體。
「Nude_Yogagirl」由2015年由一名不知名嘅女性模特兒兼攝影師成立，佢喺接受外國雜誌《Men's Health》訪問時透露當初係希望透過作品，去令大家知道每一個人都係美麗的，而且可以用自己嘅身體佢做精彩嘅事。亦希望大家可以嘗試玩瑜伽，或者可以從中了解咩係「身體接受(Body Accpetance)」。呢個Account一成立就大受歡迎，至今已經有接近68萬粉絲。近日佢仲提出「 #NYGyoga」，呼籲女性們上載自己嘅裸體瑜伽照。
作為男人，我們對女性身體當然有一個喜好，但脫離我哋喜好嘅女性又係咪一定係「唔靚」，甚至係「醜」呢？退一步黎講，就算係唔靚，我哋又係咪有資格去批評、甚至取笑？而如果你開始思考呢個問題，就已經係「Nude_Yogagirl」嘅目的啦。

茶树菇

感觉相片更偏向于艺术照多过宣传喻咖的感觉...